वृद्ध साहित्यिक व कलाकारांना मानधन योजनेच्या लाभार्थ्यांना करावी लागणार KYC
अन्यथा मानधन होणार बंद !
शेवटची तारीख जाहीर,
 |
| vrudh kalakar mandhan yojana |
राज्य शासनाच्या सांस्कृतिक कार्य विभागामार्फत १९५४-५५ पासून वृद्ध साहित्यिक व कलावंत यांच्यासाठी मानधन योजना ( vrudh kalakar mandhan yojana ) राबवण्यात येत आहे. आजमितीस जवळजवळ तीस हजार साहित्यिक व कलावंत या योजनेचा लाभ घेत आहेत.
मात्र या योजनेच्या अंतर्गत लाभ घेणाऱ्या अनेक कलाकारांची माहिती हि सांस्कृतिक कार्य संचालनालयाकडे उपलब्ध नसल्यामुळे या कलाकारांनी स्वत:चा आधार क्रमांक, पॅन कार्ड, मोबाईल क्रमांक ही माहिती अद्ययावत करणे आवश्यक आहे.
राज्यातील वृद्ध साहित्यिक व कलाकारांना मानधन योजनेतील ( vrudh kalakar mandhan yojana ) सर्व कलाकारांना आपली तपशीलवार वैयक्तिक माहिती 8424920676 या व्हाट्सअप क्रमांकावर पाठवावी लागणार आहे.
या माहितीची एक प्रत जिल्हा समाज कल्याण अधिकारी / गट विकास अधिकारी यांच्याकडे प्रत्यक्ष कागदपत्रांच्या स्वरूपात सादर करावी लागणार आहे.
यामुळे मानधन धारकांना मानधन विषयक घडामोडी व इतर सर्व माहिती मेसेज द्वारे देता येईल.
याचप्रमाणे या योजनेच्या अंतर्गत काही कलाकारांना मानधन मिळत नाही. अशा आशयाच्या तक्रारी सुध्दा प्राप्त होत आहेत.
मानधन न मिळण्यामागील कारणे म्हणजे, बँकेचा आयएफएससी कोड न देणे किंवा चुकीचा देणे, हयातीचा दाखला न देणे, चुकीचा बँक क्रमांक देणे, वारसाची नोंद न करणे इत्यादी आहेत. त्यामुळे ज्या साहित्यिक व कलाकारांना मानधन मिळण्यात अडचणी येत आहेत. त्यांनी आपली सर्व माहिती संचालनालयाकडे वरील व्हाट्सअप क्रमांकावर पाठवावी, असे आवाहन सांस्कृतिक कार्य विभागामार्फत करण्यात आले आहे.
या योजनेअंतर्गत कलाकारांची व साहित्यिकांची सर्व माहिती ३१ जानेवारीपर्यंत संचालनालयास प्राप्त होणे आवश्यक असल्याने सर्व कलाकार व साहित्यिक यांनी २८ फेब्रुवारी २०२4 पर्यंत आपली माहिती जिल्हा समाज कल्याण अधिकारी / गट विकास अधिकारी यांच्याकडे सादर करावी. अशी माहिती २८ फेब्रुवारीपर्यंत न पाठविल्यास मार्च २०२4 चे मानधन लाभार्थ्यांच्या खात्यावर जमा होणार नाही.
याबाबतचे विहित नमुन्यातील अर्ज सर्व पंचायत समिती व जिल्हा समाज कल्याण अधिकारी यांच्याकडे पाठविण्यात येत आहेत.
वृद्ध साहित्यिक व कलावंतानी मानधन योजना माहिती अद्ययावतीकरणासाठी
- कलाकाराचे छायाचित्र,
- कलाकाराचे नाव,
- स्वतः की वारस,
- पत्ता,
- निवड वर्ष,
- कलाप्रकार,
- आधार क्रमांक,
- बँकेचे नाव व शाखा,
- बँक खाते क्रमांक,
- आय एफ एस सी क्रमांक,
- पॅन कार्ड क्रमांक
या विहित नमुन्यात अर्जासाठी कागद पत्रांची पूर्तता करुन आपली माहिती अद्ययावत करुन पाठवावी, असे सहायक संचालक, सांस्कृतिक कार्य यांनी प्रसिद्धीपत्रकाद्वारे कळविले आहे.